Спутник

Зошто Западот се плаши од идејата на Дачиќ за српско-албанско разграничување?

Идејата за српско-албанско разграничување всушност го става настрана Косово и иницира дијалог меѓу Белград и Тирана, односно Србија и Албанија, пишува Спутник.

Претседателот на Србија Александар Вучиќ беше свесен дека најавата за внатрешен дијалог за Косово од самиот почеток ќе предизвика поделба на оние за и оние против.

Она што, како што самиот кажа, го изненадило е нервозата која следела по изјавата на Ивица Дачиќ, министерот за надворешни работи, дека единственото можно решение е да се разграничи што се српските, а што албанските интереси.

Од Косово на ова нагрнаа повеќе од негативни реакции, а од Западор забелешки дека предлогот на Дачич е „пробен балон на Белград“.

Стефан Сурлиќ, од беглрадскиот Факултет за политички науки, вели дека постои еден вид страв кој доаѓа од сите страни, дека ново разграничување ќе ја отвори „Пандорината кутија“.

„Во овој момент Западот мисли дека косовската приказна е завршена и дека Србија има маневарски простор да не го признае Косово, но дека треба да го прифати дека Косово е претставувано на меѓународно ниво. Идејата за српско-албанско разграничување всушност го става настрана Косово и иницира дијалог меѓу Белград и Тирана, односно Србија и Албанија – што е тоа српско, а што е тоа албанско – бидејќи само во таков директен дијалог постои потенцијал да се зборува за разграничување на Косово“, објаснува Сурлиќ за Спутник.

Тој истакнува дека во овој момент не постои соговорник на таа тема во Приштина затоа што таа не прифаќа никаква опција за поделба на Косово, а повеќе зборува за некаков вид на размена на територии – северот на Косово за Прешевската долина.

„Сите тие теми, меѓутоа, водат кон истиот заклучок: премногу страни со различни интереси. Прашањето е дали некое трајно разграничување меѓу Србите и Албанците може да биде решено по мирен пат или со согласност на сите заинтересирани страни, пред сѐ српската и албанската, но и на меѓународната заедница која сака некои работи да се решат во овој регион, а излегува дека секоја иницијатива за решавање на косовскиот проблем буди нови политички проблеми и разидувања кои можат да доведат до напнати или заладени односи во регионот“, заклучува српскиот експерт.

Без оглед дали сте поддржувач или противник на претходната власт, не можете да оспорите дека таа постави сосема нови стандарди во поглед на мерките, напорите и вложувањата за да се привлечат странски инвестиции, за наши услови. 

повеќе

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе