Токио е најбезбедниот град во светот

Јапонската престолнина Токио е најбезбедниот град во светот, покажа индексот на безбедни градови на Разузнавачката единица Економист за 2019 година.

Разузнавачката единица Економист, која работи во рамките на британската Економист група, најпозната по издавањето на магазинот Економист, рангираше 60 дестинации низ светот врз основа на безбедноста во дигиталниот простор, здравствената безбедност, инфраструктурата и личната безбедност.

На врвот на листата се најде Токио, а по него следат Сингапур и Осака, уште еден јапонски град.

Овие три града беа на врвот на листите и во 2015 и 2017 година, пренесува Си-ен-ен.

Од европските градови, во првите десет најбезбедни се најдоа Амстердам и Копенхаген, кои ги зазедоа четвртото и осмото место на листата.

Единствениот американски град кој влезе во првите десет е Вашингтон, додека Чикаго е на 11 место.

Меѓу десетте најбезбедни градови во светот се и Сиднеј и Мелбурн, Торонто и Сеул.

Хонг Конг, кој во 2017 година беше деветти на листата, падна годинава на 20 место.

Во тој град во изминатите месеци се одржуваат, понекогаш насилни, антивладини протести, што доведе до пад на бројот на посетители.

Последен на листата е Лагос во Нигерија.

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе