„Франција се врати во игра“

На повидок ривалство меѓу Макрон и Меркел за лидерството во Европа

Медиумите во Швајцарија оценуваат дека Макрон би можел да ја замени германската канцеларка, која не би се противела на тоа, бидејќи се подготвува за парламентарните избори и не сака само Германија да ги „држи уздите на Европа“.

Зад насмевките околу обновената динамика во француско-германските односи и Европа, на повидок е ривалство меѓу Емануел Макрон и Ангела Меркел за лидерството во Европа, оцени вчера новинската агенција Франс прес.

„Дипломатскиот државен удар“ што оваа недела го организираше новиот француски претседател поканувајќи го претседателот на САД, Доналд Трамп, на државен празник, како и неодамнешната посета на рускиот претседател Владимир Путин во Франција, е пример за прераспределба на улогата на лидерството во Европа.

„Франција се враќа во игра“, оцени претседателот на Фондацијата Шуман специјализирана за европски прашања, Жан-Доминик Џулијани.

Германската канцеларка неколку години е доминантна на европската дипломатска сцена. Меркел беше најцитирана во англосаксонските медиуми по одлуката на Британија да се повлече од членството во ЕУ, а потоа и по изборот на Трамп во САД, а во нив таа е претставена како „новиот лидер на слободниот свет“ наспрема растечкиот популизам и авторитаризам.

Самата германска канцеларка не сака да ја гледаат така. Нејзината подоминантна улога во Европа повеќе е резултат на одредена ситуација отколку на некаква нејзина волја за тоа, вели француската агенција.

Поранешниот француски претседател Франсоа Оланд, соочен со економски проблеми во земјата и со зголемената непопуларност, немаше доволно простор да се слушне гласот на Франција во решавањето на некои прашања во Европа.

Велика Британија поради брегзитот сама се оддалечи како можен лидер во Европа, додека Полска е критикувана за авторитаризмот, а Италија и Шпанија се економски ослабени.

Со доаѓањето на Макрон на власт во Франција, улогата на лидерството може да се промени.

Германски дипломатски извори рекле дека се изненадени од доаѓањето на Трамп во Париз. Шпигл оцени дека Макрон со тој гест сакал да му „ласка на Трамп, но и да ја провлече идејата дека е можен лидер во Европа“.

Макрон одлучи да го врати Трамп „во кругот“ за да не биде изолиран, додека Ангела Меркел зазеде цврст став спрема американскиот претседател, кого постојано го критикува за протекционизам или за одлуката на САД да се повлечат од меѓународниот договор за климатските промени.

Медиумите во Швајцарија оценуваат дека Макрон би можел да ја замени германската канцеларка, која не би се противела на тоа, бидејќи се подготвува за парламентарните избори и не сака само Германија да ги „држи уздите на Европа“.

Франс прес заклучува дека „моментот на вистината“ за водечката улога во Европа ќе биде дури по изборите во Германија, закажани за септември.

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе

Жените имаат повеќе тешкотии од мажите да најдат значајна и добро платена работа, а процентот на жени во глобалната работна сила постојано заостанува зад процентот на мажите. 

повеќе