Блиц

Кои се специјалните единици ЊСО, поранешни РОСУ

Специјалната единица ЊСО, за која се знае многу малку, малку се пишува и ретко се зборува, е создадена во 1999 година, кога на Косово пристигна специјалната полиција на УНМИК (ЦИВПОЛ), со цел да ги обучува локалните полициски сили.

Ги обучуваа шефот на ЦИВПОЛ, Американецот Ангел Квеипо и неговиот заменик Џим Ренфрау, кои важеа за професионалци во операции за сузбивање шверц на наркотици, апсење по потерници и разбивање демонстрации, но се тренирани и од експерти од САД, Германија, Велика Британија, Франција и Турција.

Веќе во 2000 година, Ренфрау ја презеде функцијата шеф на единицата, која беше базирана на Косово Поле, и требаше да биде регионална по потреба, а за време на неговиот мандат името ѝ беше променето во РОСУ (Регионална оперативна единица за поддршка) и во секој регион на Косово беше поставена по една, вели Блиц.

По едностраното прогласување независност во 2008 година, името ѝ беше променето во Специјална оперативна единица (Њесиа специале оперативе - ЊСО), кое се користи и денес, а за командант на оперативните сили на косовската полиција е поставен Рашит Калај.

Од вооружувањето што го користат се споменуваат пиштоли „глок 19“, „хеклери МП-5“, АК 47 модифициран калашников, солзавец и во некои случаи и снајпери.

Овие единици, се наведува, се активираат за време на големи немири, протести, поризични апсења и слично, а главно служат за растурање демонстрации, заштита на политичари, или учествуваат во акции за пронаоѓање дрога.

Приштинските медиуми за нив пишуваат многу малку и мошне ретко, првенствено за тоа колкави им се платите и дека вежбаат во поранешната база на КФОР „Белведере“ во Јужна Митровица, која КФОР им ја отстапи во 2011 година.

ЊСО неколку пати интервенираше на северот на Косово - во 2011 година, кога Србите поставија барикади на северно Косово, по што ЊСО влезе на територијата на Зубин Поток и апсеше Срби за убиството на косовскиот специјалец Енвер Замбери.

Во март минатата година учествуваа во апсењето на директорот на српската Канцеларија за Косово и Метохија, Марко Ѓуриќ.

Вчера оправдано доминираше веста дека „Макрон ќе поддржи преговори за Македонија и Албанија ако ЕК препорача во март“.

повеќе

Албанија мора отворено да каже, дека обидите на Софија за асимилација на Македонците во Албанија како Бугари не се добрососедство, туку отворен напад.

повеќе

Перењето пари преку трансакции со недвижнини ги интегрира црните фондови во економијата, притоа обезбедувајќи сигурна инвестиција.

повеќе