Како една жена за само 45 минути ги урна сите амбиции на Макрон во ЕУ

Амбициите на францускиот претседател Емануел Макрон во ЕУ минатата недела доживеаја огромен удар, благодарение на лидерката на неговата партија.

Колешката на Макрон од партијата и највисок кандидат на европските избори Натали Лоазо требаше да ја предводи центристичката група во Европскиот парламент и да ги обедини либералните сили под раководство на Макрон, па да му даде моќен глас во Брисел.

Сепак, во текот на првата недела во парламентот, Лоазо пред 12 франкофонски новинари на, како што вели Индипендент, бизарен брифинг, на кој се обраќаше неофицијално, „го испопрозива“ секој сојузник што ѝ е потребен за да стане лидер на парламентарната група.

Брифингот од 45 минути немало да биде ни откриен ако белгискиот весник „Соар“ не одлучел да ги објави деталите од неговата содржина - што ги налути т.н. макронисти, а последиците доведоа до тоа Лоазо да биде исклучена од трката за шеф на парламентарната група.

Таа актуелниот лидер на партијата АЛДЕ Гај Верхофштат го опиша како „старец фрустриран во последните 15 години“, додека за холандската либералка Софи Инт Велд рече дека „ја загуби секоја битка што некогаш ја водеше.“

Таа се осврна и на германската канцеларка Ангела Меркел, со што ја наруши деликатната француско-германска алијанса, опишувајќи ја како „проблем со Европа“.

Кандидатот на Меркел за претседател Европската комисија, Манфред Вебер, го опиша како „ектоплазма што никогаш не била успешна“.

Лоазо најпрвин негираше дека ги дала тие коментари, опишувајќи ги како „чиста измислица“, но подоцна се извини - веројатно уште повеќе влошувајќи ги работите.

Францускиот весник „Либерасион“ пренесе и дека неколку минути пред брифингот Лоазо испратила порака до своите колеги од партијата, порачувајќи им да „играат скромно и пред сè да не бидат арогантни“.

Таквите анонимни брифинзи против ривалите очигледно се вообичаени во француската политика, а инцидентот го покрена прашањето дали партијата „Во движење“ се приспособила на животот во центарот на ЕУ.

Сепак, вели Индипендент, откако Лоазо сега испадна од трката за лидер на центристичката група, се чини дека францускиот претседател не може да донесе некој од своите луѓе на таа функција.

Пред да ја предводи европската изборна кампања на Макрон, Лоазо беше француска министерка за прашања за ЕУ и учествуваше во разговорите за брегзитот. Вниманието на британските медиуми го привлече со тоа што објави дека својата мачка ја нарекла Брегзит, бидејќи секогаш ѝ мјаука да ја пушти надвор, но кога ќе ѝ ја отвори вратата, таа не излегува.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе