Американците масовно се вооружуваат, долги редици пред продавниците (ВИДЕО)

Продажбата на оружје и муниција забрзано расте низ САД. Поради стравот од можни социјални немири поради пандемијата на коронавирусот, Американците се свртеа кон огненото оружје како форма на самозаштита.

На Западниот брег пред продавниците може да се видат долги редици луѓе.

„Политичарите и противниците на оружјето ни зборуваат веќе долго дека не ни треба оружје. Во моментов, многу луѓе вистински се плашат и тие самите можат да донесат одлука“, вели еден купувач за ЛА тајмс.

Лери Хајат, сопственик на една од најголемите продавници за оружје во Северна Каролина, Хајат ганс, кажа за Гардијан дека сцените на масовно купување во неговата продавница се практично без преседан.

Хајат вели дека видот на оружје кој се купува го одразува стравот кој преовладува меѓу купувачите. Пушки за лов речиси никој не купува. Наместо тоа, луѓето се одлучуваат за пиштоли, а голема е и побарувачката за полуавтоматски пушки во стилот на АР-15.

Големиот онлајн продавач на муниција Емо објави податоци од продажбата која за само 11 дена пораснала за 68 отсто. Зголемувањето на продажбата е особено изразено во Северна Каролина и Џорџија каде е забележан скок од 179 отсто, односно 169 отсто.

Со општиот страв од коронавирусот, во државите Вашингтон и Калифорнија, државите каде прва беше забележана епидемијата на коронавирусот во САД, почна нагло купување на оружје. Оружјето пред сѐ го купуваат Американците кои стравуваат дека може да се соочат со ксенофобно и растистичко насилство над своите семејства, имајќи предвид дека изворот на коронавирусот е Кина.

Поради зголемената продажба на смртоносно оружје, се појави и загриженост за безбедноста на децата. Наглиот пораст на пушките и другото огнено оружје во домаќинствата може да ги доведе во опасност децата поради недостигот од безбедни места за чување на оружјето.

Во САД, по автомобилските несреќи, огненото оружје е вториот најголем предизвикувач на смрт кај децата.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе