ЕП 2020

Во епска битка, по 80 минути ракомет Хрватска ја победи Норвешка за финале на Европското првенство!

Хрватска е првиот финалист на Европското првенство по еден неверојатен меч против Норвешка кој траеше дури 80 минути, Хрватите победија со 29:28. 

Хрватска и Норвешка одиграа полуфинале за паметење, беа потребни две продолженија по десет минути за да има победник, тоа се Хрватите.
 
Натпреварот беше исклучително неизвесен, двете репрезентации се менуваа во водство, имаа свои периоди но никој не се одлепи со значителна предност.
 
Во текот на второто полувреме Хрватска на два пати имаше по три гола предност, но Норвешка се врати.
 
Мечот во регуларниот тек заврши 23:23, па се премина кон две продолженија од по пет минути. 
 
Во првите продолженија се играше гол за гол, но повторно немаше победник, па мечот влезе во уште две продолженија од по пет минути, а во нив Жељко Муса во последните секунди постигна гол за победа на Хрватска од 29:28.
 
Гранитната одбрана на Хрватска го победи нападот на Норвешка кој беше најдобар на Европското првенство.
 
Дувњак со осум голови беше најефикасен во составот на Хрватска, Мариќ постигна шест, Хорват четири. Кај Норвежаните Сагосен беше без конкуренција, даде дури десет голови.
 
На Хрватска и недостасува злато само од Европското првенство, за големиот трофеј ќе игра во недела со почеток од 16:30 часот со победникот од дуелот меѓу Шпанија и Словенија.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе