СЕХА лига

Вардар рутински го победи Динамо Панчево, но прими 32 гола

Во натпревар „без одбрани“ Вардар со убедливи 42:32 го победи Динамо Панчево и ја забележа седмата победа во СЕХА лигата.

Во седмиот натпревар од СЕХА лигата Вардар ја забележа и седмата победа, овој пат против најслабиот тим во регионалното натпреварување, Динамо Панчево.
 
Раул Гонзалез им даде одмор на дел од играчите, а оние кои беа на теренот играа како на ревијален натпревар, брзо, атрактивно, без многу внимание во одбраната.
 
Таквата игра го донесе најефикасниот натпревар во СЕХА лигата оваа сезона, беа постигнати дури 74 погодоци. Вардар прими 32 гола, најмногу оваа сезона од било кој тим.
 
Натпреварот беше изедначен до 18. минута кога резултатот беше 9-9. Вардар полека почна да се одлепува, на полувремето замина со предност од 20:17.
 
Во второто полувреме противникот иако мотивиран ја губеше силата, а Вардар го зголемуваше водството за конечна победа од 42:32.
 
Најефикасен во тимот на Вардар беше Марсениќ со седум голови, по шест постигнаа Кањељас и Чупиќ, по четири Недановски, Поповски и Криштопанс.
 
Ова беше само загревање на Вардар за тоа што го очекува во сабота во Лигата на шампионите, големото дерби против Рајн Некар.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе