Куп на Македонија

Вардар против Металург во финалето од Купот на Македонија

Вардар го победи Еурофарм Работник со 35:30 и се пласираше во финалето од Купот на Македонија каде ќе игра против Металург кој беше подобар од Бутел со 34:31.

Вардар и Металург во недела ќе се борат за трофејот од Купот на Македонија во Куманово откако денеска ги добија своите полуфинални дуели.
 
Вардар го совлада Еурофарм Работник со 35:30. Битолчани беа рамноправен противник во првото полувреме кога губеа најмногу со два гола разлика, на одморот се замина со 18-16 за црвено-црните.
 
Во вториот дел Вардар го контролираше резултатот и полека се одлепуваше, највисокото водство беше 32:26. Во составот на Вардар по седум гола постигнаа Дибиров, Скубе и Мораес, а најефикасен на натпреварот беше Остроушко со 10 гола.
 
Бутел му пружи силен отпор на Металург. Тимот од Автокоманда кога и да се одлепеше, противникот успеваше да се врати во игра. На полувремето резултатот беше 17:15 за Металург. Слично беше и во вториот дел, на крајот победија со три гола разлика.
 
Најдобар на теренот беше Јагуриновски со 11 голови, во составот на Бутел Мајиќ даде десет.
 
Финалниот натпревар меѓу Вардар и Металург се игра во недела од 20 часот.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе