Лига на шампиони

Вардар пропушти напад за победа, реми на гостувањето кај Елверум

Вардар со нерешен резултат 27:27 на гостувањето кај Елверум ја почна новата сезона во Лигата на шампионите, нашиот тим имаше шанси и за победа, но ремито е реален исход на овој меч. 

Вардар се претстави во добро светло на гостувањето кај Елверум. Натпреварот беше изедначен, двете екипи имаа свои периоди.
 
Елверум отвори со 2-0, но следувашае серија на Вардар од 4-1 за преземање на водството. Се играше гол за гол до 7-7, а потоа црвено-црните со низа од 5-1 дојдоа до најубедливата предност од четири голови разлика 12-8.
 
Беше и 13-9, а потоа следуваше голем пад на Вардар. Елверум направи серија од 4-0 и на полувремето се замина со нерешени 13-13.
 
Серијата на Елверум продолжи и во вториот дел, дадоа три гола и ја зголемија низата на фантастични 7-0, поведоа со 16-13. Вардар конечно постигна гол и почна полека да се враќа.
 
Македонскиот шампион полека го сврте мечот, дојде до водство од 22-21, имаше и предност од 25-24, но ја испушти. Елверум направи нова серија од 3-0, поведе со 27-25, но Вардарци беа поконцентрирани во финишот и дојдоа до реми 27-27. На крај имаа шанса за победа, Гаџа избрза, шутна крај голот, останаа пет секунди и за домаќините, но Томовски го одбрани нивниот удар.
 
Томовски беше одличен со 14 одбрани, најефикасен кај Вардар беше Тото со шест гола, Моралес постигна пет. Кај Елверум, Хелдал и Мате постигнаа по шест. 

Kога веќе треба да се држи комбинирана настава, колку и да е комплицирана таа „равенка“, во неа не смее да се забораваат децата кои учат онлајн.

повеќе

Под менторство на овој истраен истражувач, научник и педагог, се развивале и се формирале многумина трудбеници и афирматори на македонското културно наследство.

повеќе

Ковидот нема да нѐ победи. Да зборуваме за раст и развој, за подобар и забрзан раст, за паметен и зелен развој.

повеќе