Лига на шампиони

Вардар продолжува перфектно во Лигата на шампионите, победа над Мотор во Запорожје

Трет натпревар, трета победа за Вардар во Лигата на шампионите оваа сезона, европскиот шампион славеше тешка победа кај Мотор со 31:30.

За разлика од мечот во СЕХА лигата, Вардар во Лигата на шампионите со победа се враќа од Запорожје. Црвено-црните со многу мака и доза на среќа дојдоа до триумфот.
 
Во текот на првиот дел Мотор постојано имаше водство кое во неколку наврати достигна и до четири голови предност, одбраната на Вардар не беше на потребното ниво, а и голманите фатија многу малку. На одморот се замина со предност од 18:16 за Украинците.
 
Второто полувреме Вардар го почна одлично, со серија од 3-0 го сврте мечот и поведе со еден гол разлика. Во продолжението се играше гол за гол, екипите се менуваа во водство.
 
Во последниот напад при водство на Вардар од 31:30 Скубе не реализираше од идеална позиција, Мотор даде гол од ценар, но за среќа на македонскиот тим времето беше изминато по што македонскиот тим можеше да почне со славје на нова победа.
 
Тимур Дибиров со десет голови беше најефикасен на мечот, Криштопанс постигна седум, Калараш четири. Голманите на Вардар имаа вкупно седум одбрани, Гебдане четири, Кугис три.
 
Вардар со максимални шест бода е лидер во групата Б пред Кил со еден бод помалку.
 
Следниот викенд нема Лига на шампиони, а потоа Вардар го пречекува Кил во голем дерби натпревар.
 
 

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе