Лига на шампиони

Вардар по победа против Турингер за перфектен крај на групната фаза

Вардарки денеска го пречекуваат Турингер во последниот натпревар од групната фаза, доколку ја повторат играта од минатите средби се очекува да забележат и шестата победа која ќе им обезбеди крај со перфектен скор.

Вардар е единствениот тим во Лигата на шампионите кој по првите пет кола оваа сезона има исто толку победи. „Црвено-црните“ ракометарки вечерва го имаат последниот предизвик во групната фаза, на гости им доаѓа Турингер.
 
Македонскиот шампион е апсолутен фаворит во овој натпревар, Турингер беше совладан и во Германија со убедливи 29:21, па би било големо изненадување било кој резултат освен победа на Вардар.
 
Вардар во претходното коло го завери првото место, но победата против Турингер е важна за во наредната фаза да се пренесат максимални осум бода доколку и Германките се пласираат понатаму.
 
Вардар и на овој натпревар ќе биде без Андреа Лекиќ и Мирјета Бајрамовска кои се повредени.
 
„Ова е последен меч во групната фаза и е особено важен за нас. Потребни ни се овие бодови за да можеме да пренесеме повеќе бодови во следната фаза. Имаат добра екипа, иако ги победивме со осум гола разлика. Тоа сега нема ништо да значи, и тие ќе се борат за бодовите бидејќи и нив им е важно да освојат бодови. Ќе се бориме сите 60 минути и верувам ќе ги израдуваме навивачите", вели тренерот Ирина Дибирова.
 
Натпреварот се игра вечерва (петок) со почеток од 19:00 часот.

Прашањето е претенциозно, интенционално и суштински погрешно формулирано, не го задоволува т.н. троен тест на единство и е итро, манипулативно и сугестивно.

повеќе

Ако Владата е искрена пред нацијата во своите намери да го сочува националното достоинство на македонскиот народ треба да го сподели оригиналниот текст на амандманските интервенции во Уставот.

повеќе

Настрана од прашањето околу името, зачленувањето во НАТО ќе има реперкусии по нашиот животен стандард, реперкусии кои не смееме да ги занемариме, реперкусии поради кои ниту под уставното име не треба да прифатиме зачленување во НАТО.

повеќе