СЕХА лига

Вардар им се врати на победите, Дибиров и Атман донесоа триумф против Војводина

Требаше да дојде СЕХА лигата за Вардар да им се врати на победите, шампионот славеше на гостувањето кај Војводина со 35:33. 

По три последователни порази во Лигата на шампионите, Вардар доби меч од СЕХА лигата. Не беше лесно против Војводина, домаќините имаа предност и од пет голови разлика, но со одлична игра во второто полувреме македонскиот тим дојде до триумф.
 
Во првото полувреме одбраната на Вардар заедно со голманите беше на очајно ниво, Војводина успеа да дојде и до највисоки пет голови разлика а на одморот замина со четири, 20:16.
 
Но сосема друго беше во вториот дел, Вардар ја стегна одбраната, Гедбане имаше неколку интервенции во вистинско време и почна да се топи предноста на Војводина, на крајот македонскиот тим дојде и до лесна победа во мирен финиш. Конечниот резултат беше 35:33.
 
Дибиров со 11 и Атман со 10 погодоци беа главните вардарови играчи на овој натпревар. Во составот на Војводина Грозданиќ постигна 11.
 
Вардар има уште два меча од групната фаза во СЕХА лигата, го пречекува Татран Прешов и му гостува на Нексе.

Мора да се пристапи кон воведување нови мерки за поголема контрола на лицата кои поседуваат нелегални пари.

повеќе

Визија на развиениот свет е државните авторитети да го гледаат спортот како средство за подобар економски и социјален развој.

повеќе

Јавните медиумски сервиси треба да бидат столб на демократските општества и примарен извор на информации за сите граѓани.

повеќе