Лига на шампиони

Вардар храбро се бореше, но не го изненади Кил

Вардар не разочара, црвено-црните беа рамноправен противник во најголемиот дел од мечот, но на крајот Кил победи со 32-30. 

Вардар го врза и шестиот пораз по ред во Лигата на шампионите, но момците на Веселин Вујовиќ овојпат се прикажаа до добро светло и покрај поразот.
 
Кил победи со два разлика, а Вардар може да жали бидејќи во финишот од мечот промаши неколку зицери со кои можеше да избегне пораз.
 
На почетокот од мечот се играше гол за гол, Вардар поведуваше, Кил изедначуваше. Така беше до 5-5 кога Кил почна една серија и поведе со 9-5. Имаа и највисоки 11-6 во првото полувреме, но Вардарци успеаа да се вратат и да изедначат на 13-13. На одморот се замина со водство на германскиот тим од 18-16.
 
Во вториот дел слична слика, на почетокот се играше рамноправно, па Кил се одлепи на највисоки плус седум 26-19. Како одминуваше времето Вардар беше се подобар и подобар, го намалуваше водството, имаше и шанси да избегне пораз, но не успеа, конечниот резултат беше 32-30 за Кил.
 
Анте Кудуз имаше неверојатен меч постигнувајќи девет гола од девет обиди, втор стрелец беше Тото кој постигна пет гола. Томовски имаше 12 одбрани. Ландин 11 пати ја одбрани топката, а најдобар стрелец во составот на Кил беше Сагосен со осум голови.
 
Следен меч на Вардар е во среда на гостински терен кај ППД Загреб.

Со фактот што Европа продолжува да плаќа милијарди долари за рускиот гас секој месец, таа и понатаму игра онака како што свири Кремљ, покажувајќи на тој начин дека е заробеник на сопственото задоволство.

повеќе

Грејната сезона заврши во месец април како и секоја година, но последнава беше со многу проблеми кои произлегоа од енергетската криза, од војната во Украина и генерално од светската економска криза.

повеќе

Откривањето на минатото ни помага многу да ги научиме изненадувањата на иднината.

повеќе