СЕХА лига

Вардар го победи Загреб во дербито на СЕХА и се искачи на првото место!

Вардар и Загреб одиграа изедначен натпревар кој на крајот го доби македонскиот тим со 28:26 и сега е осамен на врвот на табелата во СЕХА лигата.

Дербито на СЕХА лигата меѓу Вардар и Загреб донесе неизвесен меч по кој се радуваше македонскиот тим и се реваншираше за загубениот натпревар во Хрватска.
 
Вардар почна бавно, Загреб на почеток направи голема предност од 5-1, но како одминуваше натпреварот работите си дојдоа на свое. Тимот на Парондо се врати во мечот, а на одморот замина со предност од 13:12.
 
Неизвесно беше и во вториот дел, Загреб направи пресврт и повторно поведе, но тоа не траеше многу. Вардар повторно поведе, сепак во последните две минути се влезе со 26:26. Во самиот финиш Вардарци се снајдоа подобро, дадоа два гола, не примија ниту еден и победија со 28:26.
 
Најефикасен во Вардар беше Кристијан Дисингер со седум голови, по четири постигнаа Криштопанс и Киселев. Одличен беше Гебдане со десет одбрани. За Загреб, Иван Сршен постигна осум погодоци.
 
По 15 одиграни натпревари Вардар е на првата позиција со 39 бода, Загреб и Нексе имаат по 36.
 
Вардар сега се фокусира на Лигата на шампионите, во сабота го пречекува тимот на Монплеје во последното коло од групната фаза.
 
Следниот меч во СЕХА лигата е против Мешков Брест на 5. март во Скопје.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе