СЕХА лига

Вардар го победи Нексе и постави нов рекорд во СЕХА лигата!

Вардар се помачи да го победи Нексе во последното коло од лигашкиот дел во СЕХА лигата но на крајот славеше со 29:25 и постави нов рекорд во регионалното ракометно натпреварување.

Вардар регуларниот дел од сезоната го завршува со 17 победи и едно реми со што го помина Веспрем кој исто така беше без пораз во сезоната 2015/16 но имаше две нерешени средби.
 
Шампионот ја поправи одбраната за разлика од минатата средба, но тешко одеше во нападот. Нексе беше во игра до последните минути од натпреварот кога Вардар успеа да искористи неколку грешки на противникот и да дојде до победа од четири гола разлика.
 
Лука Циндриќ беше играчот кој ги промени работите, иако играше само во второто полувреме успеа да постигне седум гола и да биде најефикасен на мечот. Одличен беше и Страхиња Милиќ со 14 одбрани.
 
Со овој натпревар Вардар го заврши лигашкиот дел од СЕХА лигата, сега чека да финишираат и останатите мечеви од последното коло за да дознае кој ќе му биде противникот на фајнл-фор турнирот кој ќе се игра во Скопје.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе