Лига на шампиони

Вардар доби нови термини за натпревари со ПСЖ и Порто

Вардар соопшти дека е договорен нов термин за одложениот меч со ПСЖ, а поместен е и терминот кога треба да се одигра дуелот со Порто. 

Вардар на 1. декември ќе му гостува на ПСЖ, а три дена подоцна ќе го одигра дуелот со Порто.
 
Останува уште да се утврдат датуми за одложените мечеви со Елверум и ПИК Сегед.
 
„Вардар 1961 ќе го одигра својот заостанат натпревар од ЕХФ лигата на шампионите против ПСЖ на 1 декември 2020 во Париз. Клубовите во соработка со ЕХФ договорија нов термин, откако претходно средбата беше одложена поради два случаи на заразени членови на Вардар, а беше планирана за крајот на октомври.

Со тоа ќе одиграме еден од трите одложени натпревари. Останува да се договорат дополнителните термини за дуелите со Елверум во Скопје и ПИК Сегед во Унгарија кои исто така беа одложени на почетокот на сезоната.

Истовремено направена е промена и на терминот за средбата со Порто, исто така гостински натпревар што сега ќе се одигра на 4 декември. Овој меч првично беше планиран за 3 декември. Но, откако беше договорено дека прво Вардар 1961 ќе игра во ПСЖ на 1 декември, договорено е средбата во Португалија да биде поместена за 1 ден.

1 декември 2020 (вторник)
ПСЖ - Вардар 1961   (18,45 ч.)

4 декември 2020 (петок)
Порто - Вардар 1961  (20,45 ч.)“, стои во соопштението на Вардар.

МОН најавува реформи во образовниот систем. Се разбира, реформите ги чекаме со нетрпение, но во насока на суштински измени, а не избрзани одлуки, копирање туѓи идеи и нивно вадење од контекст неприменлив во нашата средина, како и повторно експериментирање со децата.

повеќе

Ве молам потрошете малку време и погледајте кои закони не може да се донесат, ако за нив не даде амин Али Ахмети.

повеќе

Структурното насилство кон трансродовите и родово небинарните луѓе е препрека во нивното реализирање како полноправни членови на општеството.

повеќе