СЕХА лига

СЕХА потврди: Веспрем се враќа во регионалната лига

Тоа што и претходно беше познато, сега е и официјално потврдено, финалистот од Лигата на шампионите, унгарскиот Веспрем се враќа во СЕХА лигата.

СЕХА лигата добива големо засилување за следната сезона, Веспрем повторно ќе биде дел од регионалното ракометно натпреварување.
 
„Долго време преговаравме. Сега и официјално можеме да кажеме дека Телеком Веспрем ќе игра во следната сезона од СЕХА лигата. Ова е внзаемна корист и за клубот и за лигата. Навистина сме среќни бидејќи двата финалисти од последната Лига на шампиони ќе бидат дел од нашата лига следната сезона“, изјави Синиша Остоиќ, директор на СЕХА лигата.
 
Задоволство има и кај Веспрем од враќањето во лигата.
 
„Задоволни сме и многу среќни што повторно ќе играме во СЕХА лигата. Не игравме во последните две години. Но СЕХА го промени системот на натпреварување што е апсолутно добро за нас и подготвени сме да влеземе. Важно е за нас да бидеме дел од СЕХА бидејќи тоа е лига со многу добри тимови“, вели Золтан Чсик, директорот на Веспрем.
 
СЕХА лигата од следната сезона ќе има нов формат, ќе биде составена од 12 екипи поделени во две групи од по шест, со тоа ќе се намали бројот на натпревари.

Како да разликуваш дали „Македонец” означува етничка припадност или државјанство? Според потребата на моментот!

повеќе

И покрај тврдењата на американскиот претседател Доналд Трамп, американската разузнавачка заедница веќе долго време ја смета појавата на пандемии како една од најголемите закани.

повеќе