ЕП Хрватска 2018

Раул го скрати списокот, без Томовски и Крстевски во Белград

Селекторот на македонската ракометна репрезентација, Раул Гонзалез одлучи на пријателските натпревари во Белград да патува без Мартин Томовски и Горан Крстевски.

На пријателските натпревари против Саудиска Арабија и Србија, Раул Гонзалез нема да смета на младите, голманот Мартин Томовски и средниот бек Горан Крстевски.
 
Ваквиот потег на Раул Гонзалез укажува на тоа дека селекторот нема да ги понесе овие двајцата ракометари и во Хрватска, па иако не е дефинитивно, може да се заклучи дека сега составот брои 19 ракометари.
 
Од четирите голманите кои беа во составот, логично беше еден да отпадне, Раул се одлучи тоа да биде Мартин Томовски, во составот остануваат Борко Ристовски, Никола Митревски и Златко Даскаловски. Конкуренцијата и на бековската позиција е голема, па во составот ќе нема место и за Горан Крстевски.
 
Ракометарите денеска и утре имаат тренинзи во Скопје по што во четврток ќе отпатуваат за Белград каде во истиот ден ќе играме против Саудиска Арабија, а во петок против домаќинот Србија.
 
Подготовките ќе бидат довршени во Скопје од каде на 11. јануари се тргнува за Загреб. Првиот натпревар на Македонија на Европското првенство е против Словенија на 13. јануари.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе