ЕХФ шампионат У18

Ракометните надежи ја совладаа Литванија на стартот на ЕХФ шампионатот

Македонската ракометна репрезентација до 18 години стартуваше со победа над Литванија со 32:30 на ЕХФ шампионатот во Грузија.

Македонските надежи имаа победнички старт на ЕХФ шампионатот откако во првото коло ги победија врсниците од Литванија.
 
Натпреварот беше изедначен 20. минути пред Македонија да направи серија од 4-0 која и помогна да замине на полувреме со убедливи 19:13. Сепак тоа не гарантираше ништо затоа што во вториот дел Литванците се вратија и се доближија дури и на -1, 26:25 во 47. минута. Избраниците на Данило Брестовац кризата ја решија со серија од нови 4-0 по која прашањето за победникот беше решено.
 
Најефикасен во нашата селекција беше Костески со 11 голови, Серафимов постигна девет.
 
Утре во 13 часот Македонија игра со Луксембург кој денеска ја победи селекцијата на Фарски Острови со 32:26.
 
Целта во групата во која се уште и Швајцарија и Естонија ни е едно од првите две места кои водат во полуфиналето.

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе

Прашањето е претенциозно, интенционално и суштински погрешно формулирано, не го задоволува т.н. троен тест на единство и е итро, манипулативно и сугестивно.

повеќе