Квалификации за ЕП 2020

Ракометарите одат по победа во Турција вредна прво место во групата

Македонската ракометна репрезентација денеска со почеток од 18 часот во Ескишехир игра против Турција во претпоследниот натпревар од квалификациите за Европското првенство 2020 година.

Избраниците на Данило Брестовац ќе влезат како фаворити во пресметката со Турција, но не смеат да го потценат противникот кој има надежна и амбициозна селекција.
 
Македонија е прва во квалификациската група, а за да ја задржи позицијата ќе треба да победи денес и да го добие натпреварот со Грција во Струмица.
 
Иако ги освоивме бодовите во првиот натпревар со Турција не блескавме на тој меч, а потоа следуваше срамниот пораз на гостувањето кај Грција. Мечеви кои се уште би требало да се во сеќавањето на ракометарите од кои мора да се извадат поуки.
 
Данило Брестовац нема да може да смета на Дејан Манасков кој е повреден, останатите стандардни репрезентативци се подготвени за игра.
 
Натпреварот се игра од 18 часот со директен пренос на телевизија „Телма“.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе