Европска лига

Моќна партија на Еурофарм Пелистер, Спортинг падна во Битола

Еурофарм Пелистер игра во голема форма во овој момент, вечерва славеа убедлива победа од 31-25 над Спортинг Лисабон во Европската лига. 

Португалскиот тим се изгуби во одличната атмосфера во салата „Боро Чурлевски“, битолскиот тим одигра одличен натпревар и дојде до убедлива победа.
 
Во минатото коло Еурофарм Пелистер за малку пропушти да го победи Спортинг и во Лисабон, но овојпат на доминантен начин покажа дека има повеќе квалитет од португалскиот тим.
 
Првото полувреме беше изедначено, двете екипи се менуваа во водство, и Пелистер и Спортинг во еден момент имаа по три гола предност, на одморот се замина со водство од 14-13 за домашниот тим.
 
Во вториот дел Еурофарм Пелистер полека почна да се одлепува и како одминуваше натпреварот стануваше се појасно дека бодовите ќе останат во Битола. Конечниот резултат беше 31-25.
 
Периќ и Мандалиниќ имаа по седум гола, Граѓан и Табоада по четири. Еурофарм Пелистер со оваа победа се качи на второто место на табелата со еден бод помалку од Ним и еден повеќе од Спортинг.
 
Сега следува зимска пауза, а следниот меч во Европската лига за Пелистер е на 15. февруари кога му гостува на Ним.

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе