СЕХА лига

Металург со рекорден резултат ја победи Војводина

Металург ја оствари победата со најмногу голови разлика во СЕХА лигата со денешниот триумф над Војводина од 39:20.  

Војводина на гостувањето во Скопје дојде со младинскиот состав, па прашање беше само Металург со колку разлика ќе ја оствари победата.
 
Тимот од Автокоманда кој ја одигра најлошата сезона во СЕХА лигата досега, немаше милост кон младинците на Војводина до тој степен што урна и рекорд во регионалното натпреварување. Претходно, највисоката победа ја имаше Мешков Брест над Извиѓач со 18 голови разлика, 40:22.
 
Металург тргна фуриозно, уште на почетокот се виде дека гостите ги очекува дебакл, македонскиот тим имаше предност и од 10-1. На полувремето се замина со 19:7. Во вториот дел предноста дополнително беше зголемена за конечни 39:20.
 
Најфикасни во составот на Металург беа Шилегов, Серафимов, Маџовски и Младеновиќ со по шест постигнати гола. Томовски одбрани четири топки, Даниловски пет.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе