СЕХА Лига

Металург пружи силен отпор но немаше сили за изненадување против Загреб

Во драматична завршница, Металург загуби на гостувањето кај Загреб во СЕХА лигата, домаќините се радуваа на победа од 30-28

Тимот од Автокоманда пружи силен отпор на гостувањето кај шампионот на Хрватска, избраниците на Александар Јовиќ во првиот дел на моменти беа и подобар противник, и во неколку наврати имаа водство. Загреб ја превзеде контролата врз мечот кон финишот на првите 30 минути и на пауза замина со предност од 15-13.

Домаќините го диктираа темпото и во продолжението од средбата и во 42. минута стигнаа до највиски +4 (22-18). Металург не се предаде и стигна до 29-28 на 60 секунди до крајот на мечот.

Сепак, Домагој Павловиќ реализираше за 30-28 и го оневозможи Металург да има напад за реми.

Халил Јагањац со девет гола беше прв стрелец во редовите на Металург, Филип Кузмановски забележа осум, а одличен беше и Мартин Томовски со 10 интервенции.

Во редовите на Загреб, Хорват со осум погодоци беше најдобар поединец.

Црпнатиот Принц од Муртино и библиската земја.

повеќе

Денес спортот и спортистите се дел од политиката и служат како средство за препукување меѓу политичарите.

повеќе

Националното достоинство и идентитет не се статични „од Бога дадени" категории, туку динамични категории кои зависат од нашите постапки и акции.

повеќе