СЕХА лига

Мешков Брест му го нанесе најтешкиот пораз на Еурофарм Работник оваа сезона

Еурофарм Работник го имаше своето најлошо издание оваа сезона откако загуби на гостувањето кај Мешков Брест со 31:22.

Втор пораз по ред за Еурофарм Работник во СЕХА лигата, овој беше со високи девет голови разлика.
 
Белорускиот тим имаше фуриозен старт на мечот, поведе со 6:1 по што следуваше серија од 3:0 на Еурофарм за 6:4. Кога се чинеше дека македонскиот тим се врати во игра, се случи најцрниот период на мечот на битолскиот тим, серија на Мешков од 7:0 за водство од 13:4. На полувремето се замина со водство на домаќинот од 19:12.
 
Во второто полувреме Еурофарм Работник дојде до минус четири, 22:18, но потоа брзо беше откажан дека може да се врати во игра, Мешков Брест изгледаше моќно, а тимот на Алошоски правеше многу грешки. Конечниот резултат беше 31:22.
 
Пех за македонскиот тим беше повредата на Ловро Јотиќ во првото полувреме, најдобриот играч на Еурофарм не можеше да го продолжи мечот.
 
Најефикасен во составот на Еурофарм Работник беше Ојлески со пет голови, по четири постигнаа Велковски, Граџан и Ѓукиќ, Митревски запиша девет интервенции. Микита Ваилупау со шест голови беше најефикасен кај Мешков Брест.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе