ЕП во ракомет за жени 2022

Македонија со убедлив пораз од Франција го почна Европското првенство

Македонските ракометарки со очекуван пораз од Франција го почнаа Европското првенство, загубивме со 24-14 од селекцијата која е една од главните фаворитки на овој континентален собир. 

Женската ракометна репрезентација на Македонија го одигра првиот натпревар на Европското првенство, разликата во квалитет беше јасна, Французинките беа многу посилни и на крајот дојдоа до убедлив триумф.
 
Избраничките на Љубомир Савевски го дадоа максимумот, одиграа борбено и не разочараа на стартот од шампионатот.
 
На почетокот се чувствуваше импресионираноста кај македонските ракометарки од големиот настан, првиот гол го дадовме дури во 16. минута од натпреварот кога Кирпијановски погоди и намали на 5-1.
 
До крајот на првиот дел дадовме уште четири погодоци, на одморот се замина со водство на Франција од 12-5.
 
Во вториот дел кога веќе беше јасен исходот на мечот и составите беа комбинирани, повеќе ракометарки добија шанси, а тоа ни донесе многу подобро полувреме. Дадовме девет голови, крајот резултат беше 24-14 за Франција.
 
Јаневска со пет погодоци беше нашата најдобра ракометарка, Саздовска постигна три, Мицевска имаше осум одбрани. Во составот на Франција, Ласурс постигна четири голови.
 
Следниот натпревар на Македонија е против Холандија во понеделник со почеток од 18 часот.
 
 

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе