ЕП 2022

Македонија со убедлив пораз од Данска го заврши настапот на Европското првенство

Македонија доживеа очекуван пораз од Данска во последниот меч на Европското првенство, загубивме со 31-21 и со три загубени меча се враќаме од континенталниот турнир како последни во групата. 

Македонија имаше фантастично отворање на мечот, поведовме со 4-0, а Данска својот прв гол го постигна дури во деветтата минута.
 
Но потоа работите почнаа да го добиваат очекуваниот тек, Данска направи серија од 6-1 и дојде до водство кое не го пушти до самиот крај на мечот. На одморот заминаа со предност од 15-11.
 
Во второто полувреме Данците продолжија да го зголемуваат водството, јасна беше разликата во квалитет на теренот, имаа и највисоки 12 голови разлика, на крајот победија со десет, 31-21.
 
Жарко Пешевски со шест од шест беше убедливо најпрецизниот во македонскиот табор, Талески и Мишевски имаа по три, а голманите беа скромни, Митревски со шест одбрани (пет во првиот дел), Томовски со една.
 
Ова беше последен меч за Македонија на Европското првенство. Завршивме на последното место во групата со три порази од три натпревари.
 
Пред нас е Словенија која успеа да ја победи само нашата репрезентација, а во втората фаза одат Данска и Црна Гора.

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе