ЕП 2020

Македонија со тежок пораз од Австрија го заврши настапот на Европското првенство

Македонската ракометна репрезентација доживеа дебакл против Австрија во последниот меч од групната фаза, загубивме со 32:28 и го завршивме настапот на Европското првенство. 

Заврши Европското првенство за Македонија, нашите ракометари со големи мотиви и амбиции влегоа во денешниот натпревар против Австрија, но домаќините ни одржаа ракометна лекција и сосема заслужено одат понатаму, а ние вечерва ќе почнеме да ги пакуваме куферите.
 
Нашата одбрана се фокусираше на нивните најдобри играчи, Билик и Божовиќ, а тоа им даде шанса на другите австриски ракометари кои ја полнеа мрежата на нашите голмани.
 
Австрија го затвори Кире Лазаров, а другите ракометари како и на претходните два натпревари не беа на потребното ниво на едно вакво натпреварување. Нападот не функционираше, пропуштивме многу зицери и направивме грешки кои не смеат да се случуваат.
 
Домаќинот тргна моќно уште на стартот, почнаа со серија од 4:1, но успеавме да се вратиме и да намалиме на еден негатива, сепак како одминуваше времето беше јасно дека го губиме мечот. Пред крајот на полувремето Австрија направи предност од дотогаш највисоки осум голови разлика, а на одморот замина со позитива од шест 18:12.
 
Во вториот дел Австријците неколку пати дојдоа до предност и од десет голови разлика, а откако видоа дека нема шанса да го загубат мечот се опуштија. Македонија во последните минути направи серија од 6-0 и успеа само да направи поразот на хартија да не изгледа толку висок. Загубивме со 32:28.
 
Стоилов со пет голови беше нашиот најефикасен играч денеска, по три дадоа Лазаров, Георгиевски и Маџовски. Голманите имаа вкупно седум одбрани, Митревски две во првото и Ристовски пет во второто полувреме. Кај Австријците Вебер постигна седум голови, Билик имаше шест, Божовиќ пет. Голманот Ајхбергер имаше 16 интервенции.
 
Со овој пораз Македонија го заврши настапот на Европското првенство, се чини дека ова е и реалноста на овој состав, која е поинаква од очекувањата на јавноста.
 
 

Даночните затајувачи сѐ почесто се мали фирми, кои сѐ потешко се следат.

повеќе

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе