СП 2019

Македонија победнички тргна на СП, убедлив триумф над Јапонија!

Старт каков што посакувавме, македонската ракометна репрезентација со победа над Јапонија од 38:29 го почна Светското првенство во Германија и Данска, Борко Ристовски имаше брилијантна партија со 20 одбрани.

 
Почеток според планот, Македонија одигра одличен, сигурен меч против Јапонија и забележа убедлива победа од девет голови разлика на стартот на Светското првенство.
 
Момците на Раул Гонзалез беа фокусирани во текот на целиот меч, одиграа речиси без пад, функционираа сите позиции во нападот, а на голот одлична партија имаше Борко Ристовски.
 
Добро го почнавме мечот, поведовме со 3-1, но Јапонија со серија од 3-0 го превзема водството. Сепак следуваше фантастичен период на нашата селекција со серија од 7-1, за предност од 10-5. Водството од пет голови разлика го одржувавме до одморот, на полувремето се замина со 18:13.
 
Во второто полувреме ја одржувавме предност во најголемиот дел, а во финишот тотално го разбивме противникот за конечна победа од 38:29.
 
Борко Ристовски имаше фантастична партија со 20 интервенции. Најмногу голови постигна Кире Лазаров осум, четири од нив беа од пенал, Манасков даде седум, Стоилов шест, по четири пати реализираа Пешевски и Кузмановски.
 
Во второто коло Македонија игра против Бахреин, тој меч се игра во недела со почеток од 14 часот.
 
 
 

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе