Бараж за пласман на СП 2019

Македонија оди на Светско првенство, Романија немаше сили за изненадување

Македонската ракометна репрезентација ја сочува големата предност, загуби со 26:25 во Романија но на крајот се радуваше на пласман на Светското првенство во Германија и Данска.

 
Македонија го продолжува континуитетот на настапи на големите ракометни смотри, избраниците на Раул Гонзалез ја оправдаа улогата на фаворит во баражот со Романија и без големи проблеми се пласираа на Светското првенство кое на почетокот од идната година ќе се одржи во Германија и Данска.
 
Во салата во Клуж немаше нормални услови за натпревар, температурата беше над 30 степени целзјусови, но ракометарите го надминаа тој момент и се враќаат со она по кое тргнаа, визата за Светското првенство.
 
Чави Пасквал се обиде да изненади со тактиката, во првиот дел Романија играше 7-6 во нападот и тоа им одеше од рака, нашите ракометари неколку пати промашија од гол на гол, на одморот заминавме со негатива од 12:11.
 
Во вториот дел Романија дојде до позитива од 24:20 и во тие моменти можеби се понадеваа дека ќе направат изненадување, но нашите ракометари со неколку голови ги откажаа. На крајот тие победија со 26:25, но Македонија славеше пласман на Мундијалот.
 
Дејан Манасков со седум гола беше најефикасен, шест постигна Кире Лазаров. Борко Ристовски имаше девет одбрани.
 
Ова е четврти пласман за Македонија по ред на Светско првенство, шесто во историјата.
 

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе