СП 2021

Македонија го покажа своето поубаво лице, го победи Чиле и се пласира во втор круг на СП!

Македонската репрезентација конечно одигра прав натпревар, избраниците на Данило Брестовац се покажаа во подобро издание го победиија Чиле со 32:29 и се пласираа во следниот круг на Светското првенство. 

Македонија одигра како што беше потребно, квалитетната игра во одбраната во второто полувреме беше клучна за денешната победа над Чиле.
 
За разлика од првите два меча, нашата репрезентација одигра многу подобро, многу поангажирано, со многу повеќе комбинации во нападот и поголема дрскост во одбраната и резултатот против противник каков што е Чиле беше неминовен.
 
Во првото полувреме проблем ни беше одбраната, примивме дури 17 погодоци. Нападот беше одличен, а особен расположен беше Костески кој постигна пет погодоци во првите 30 минути.
 
Во вториот дел одбраната беше засилена со Талески, кој полека се специјализира за игра во дефанзивата, ја зголемивме цврстината, ги намаливме опциите на Чиле, а во нападот продолживме да играме на исто ниво и на крајот се радувавме на триумф од 32:29.
 
Лазаров со осум гола беше најефикасен, Костески и и Пешевски постигнаа по пет гола, Кузмановски реализираше четири пати. Фантастичен на голот беше Митревски со 14 одбрани, Томовски фати два пенали. Во составот на Чиле, Салинас даде девет гола, Себаљос седум.
 
Во вториот круг Македонија вкрстува со екипите од групата Х, Русија, Белорусија и Словенија.
 

Да бидеме реални: регионот на многу начини сè уште е претежно (погрешно) разбран и (погрешно) третиран и меѓународно се нарекува „бурето барут на Европа“.

повеќе

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе