Лига на шампиони

Катастрофалниот напад во второто полувреме му пресуди на Металург, пораз од Спортинг

Неверојатно лошиот напад во второто полувреме со само шест постигнати гола беше клучен за нов пораз на Металург во Лигата на шампионите, овој пат од Спортинг Лисабон со 31:24.

И на овој натпревар видовме две лица на Металург, одлично прво полувреме и катастрофално второ. Во првиот дел тимот на Данило Брестовац постигна фантастични 18 голови и на одморот замина со предност од еден погодок.
 
Но во вториот дел како да излезе друг тим, Металург постигна три пати помалку голови отколку во првото полувреме, само шест погодоци за 30 минути и поразот беше неминовен. На крајот Спортинг се радуваше на триумф од 31:24.
 
Мартин Томовски имаше одлична вечер, одбрани дури 17 топки, но неговите соиграчи во нападот не го искористија тоа. Најефикасен беше Димитриовски со пет голови, Танковски постигна четири.
 
За Металург ова беше шестиот пораз во седмиот натпревар од Лигата на шампионите оваа сезона.
 
Во следното коло му гостуваат на Бешикташ кој има само една победа повеќе од македонскиот тим.
 

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе