Лига на шампиони

Историски триумф, Еурофарм Работник прв пат победи во Лигата на шампионите!

По трите порази со еден гол разлика, Еурофарм Работник во четвртото коло конечно ја забележа првата победа во Лигата на шампионите откако го совлада Кокс со 31:30. 

Прва, историска победа за Еурофарм Работник во Лигата на шампионите, битолскиот тим потешко од очекувањата дојде до победа против Кокс.
 
Еурофарм беше голем фаворит во овој меч и така го почна натпреварот, се одлепи уште на стартот, беше 7-3, таквата предност ја одржа до крајот на првото полувреме кое го доби со 17:13.
 
На почетокот на вториот дел Еурофарм Работник ја имаше највисоката предност 18:13, но потоа почна да се топи позитивата на битолчани. Како да имаа психолошка бариера создадена од претходните мечеви во кои губеа со лоша игра во второто полувреме.
 
Кокс комплетно ја анулираше негативата и три пати во второто полувреме имаше и предност од еден разлика, но на крајот Никола Митревски со две одлични одбрани беше херојот во завршницата за победа на Еурофарм Работник од 31:30.
 
Најмногу голови за македонскиот тим постигна Остроушко осум, пет реализираше Ојлески.
 
Идната недела на 20 октомври Еурофарм го пречекува Татран Прешов кој е единствениот тим во групата без бодови, битолчани ќе имаат нова голема шанса за победа.

ЕУ, свесна за демократскиот дефицит на земјите од Западниот Балкан (но и останатите, претежно економски проблеми), како да тежнее кон формирање блиски, но и специфични односи со овој регион, без полноправно членство.

повеќе

Нарушени се човековите права и слободи, нема владеење на правото и правосудството, кои треба да бидат основа на процесот.

повеќе

Поентата на глобализмот е максимално економско вмрежување во десетици економски сојузи на секоја држава.

повеќе