СП 2019

Хрватска сепак е посилна, прв пораз на Македонија на СП

Македонската ракометна репрезентација го доживеа првиот пораз на Светското првенство откако загуби од селекцијата на Хрватска со 31:22.

 
Во третиот натпревар на Светското првенство го доживеавме првиот пораз. Македонските ракометари немаа сили да направат изненадување против посилната  селекција на Хрватска.
 
Натпреварот беше интересен и од тактичка гледна точка, Раул Гонзалес во текот на целиот меч играше со „седум на шест“, а Лино Червар тоа го правеше во најголемиот дел.
 
На почетокот од мечот дуелот беше изедначен, но како одминуваше времето Хрватска почна да се одлепува, на одморот се замина со негатива за Македонија од пет голови разлика, 11:16.
 
Во второто полувреме бевме подобри, играта на теренот беше порамноправна, неколку пати дојдовме до минус три гола разлика, но откако стана јасно кој е победникот, Раул направи неколку измени а Хрватска го искористи тоа за да ја зголеми предноста и на крајот да победи со убедливи 31:22.
 
Манасков со шест голови беше најефикасен во составот на Македонија, четири погодоци постигна Кире Лазаров, Борко Ристовски имаше девет интервенции. За Хрватска Дувњак даде пет гола, Карачиќ четири.
 
Во четвртото коло Македонија игра против Шпанија, тој меч се игра во среда со почеток од 20:30 часот.

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе