Лига на шампиони

Чупиќ: Кјелце беше подобар, ние имавме свои моменти, но против силни екипи не се доволни само добри моменти

Иван Чупиќ вели дека Вардар не одиграл добро во текот на целиот меч за да може да се надева на победа пртив екипа каква што е Кјелце, смета дека полскиот тим заслужи да се радува во Скопје. 

Вардар со 33:29 загуби од Кјелце во натпревар од Лигата на шампионите. Црвено-црните имаа свои периоди на почетокот од мечот, и неколку минути во вториот дел кога успеаа да го вратат водството, но тоа не беше доволно за победа.
 
„Добро отворивме, добри воведни 15 минути, со 5-1 одбрана, со убава транзиција за да пробаме да го спречиме контра-нападот на Кјелце. Се подготвувавме за тоа и нормално ако грешиш тоа ќе се казнува. Сепак, ако играш брз ракомет, можеш и брзо да се вратиш. Во второ игравме 6-0 зона, за да не оставиме многу простор за пикер, со тоа да ги затвориме и Карачиќ и Душебаев. Дојдовме и до водство, имавме 6 на 4 играчи во еден момент, но Волф одбрани 2-3 зицери, ние направивме неколку глупости и екипа како Кјелце тоа не го пропушта. На десетина минути да губиш 2-3 разлика тие знаат како да ја чуваат и да го умртват натпреварот. Тоа е одлика на квалитетна екипа“, рече Чупиќ по крајот од мечот.
 
„Ни дадоа добар пример како и ние повеќе да се однсеуваме кон топката, некогаш дури и по цена да не е убава играта. На крајот на краиштата, се игра за два бода. Им честитам, денеска победи подобрата екипа. Ние имавме свои моменти, но против големите екипи не победуваат сам моменти. Против Кјелце, против ПСЖ, Веспрем, не можат да поминат тие црни минути“, коментираше хрватското крило, еден од подобрите вардарци на теренот, со пет гола“.
 
Тренерот на Вардар, Стевче Алушовски ја истакнува извонредната партија на Алекс Душебаев како клучна за поразот.
 
„Кјелце пружи една врвна ракометна партија. Сè она што ние погрешивме во напад тие знаеја да го казнат. Во првото полувреме имавме грешки во нападот, па дојдовме до три негатива на паузата. Во второто се вративме, имавме 6 на 4 ситуација која не знаевме да ја искористиме, а екипа како Кјелце тоа го Казни. Немавме решение за Алекс Душебаев, кој пружи фантастична партија. Сакам само да им честитам на играчите кои даваат максимум како на тренинзи така и на натпреварите. Мора да гледаме напред да бидеме подобри на следниот натпревар, во Кјелце“, вели Алушовски.

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе