Собирот е закажан за сабота

Брестовац го скрати списокот и одбра 22 имиња за дуелите со Турција и Грција

Селекторот на репрезентацијата на Македонија, Данило Брестовац го скрати поширокиот список и одбра 22-ца ракометари за дуелите со Турција и Грција во квалификациите за Европското првенство.

„Црвено-жолтите“ во сабота ќе го имаат собирот и стартот на подготовките за последните два натпревари од квалификациите за ЕП. Данило Брестовац денеска го скрати списокот и одбра 22 имиња за дуелите со Турција и Грција.

Од комбинација отпаднаа Мартин Поповски, Дарко Димитриевски, Михајло Младеновиќ, Марко Мишевски, Марко Кизиќ и Гоце Ојлески.

Македонија најпрво гостува кај Турција на 12. јуни, а квалификациите ги завршуваме на 16. јуни против Грција во Струмица.

По четири одиграни кола, Македонија е прва во групата со пет бода, колку што има и Исланд, и доколку забележиме две победи, ќе го задржиме врвот на табелата и тоа ќе ни донесе поповолна ждрепка.

Список на репрезентативци:

Голмани: Борко Ристовски, Никола Митревски и Мартин Томовски.

Крила: Дејан Манасков, Бојан Маџовски, Димитар Димитриоски, Гоце Георгиевски и Ненад Костески.

Бекови: Филип Талески, Филип Кузмановски, Мартин Манасков, Марио Танкоски, Горан Крстевски, Кирил Лазаров, Томислав Јагуриновски, Мартин Серафимов, Велко Маркоски и Милорад Кукоски.

Пивоти: Стојанче Стоилов, Никола Маркоски, Жарко Пешевски и Филип Арсеновски.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе