СП 2021

Брестовац: Целта е остварена, очекувам да покажеме добар ракомет во следните три меча

Селекторот на Македонија, Данило Брестовац е многу позадоволен од своите ракометари откако го победија Чиле и се пласираа во втората фаза од Светското првенство. 

Македонија со победата над Чиле ја оствари целта, пласман во втората фаза од Светското првенство. Настапот на Мундијалот го почнавме со два катастрофални меча, но издание против Чилеанците беше задоволително.
 
„Не можеме да ги споредуваме натпреварите, секој е различен, подготовката за секој меч е различна. Веќе се навикнавме на условите во Египет, на постојаните тестирања, сите ограничувања. Искрено не се ни сомневав дека ќе го победиме Чиле. Малку ме заплаши тимската реакција на првите два меча, но на дуелот со Чиле одигравме добро. Тоа беше една тимска победа, секој даде свој допринос. Презадоволен сум од некои играчи и гледам дека и јавноста полека почнува да им верува, пример во Костески добиваме крило за наредните десет години. Има реакција и кај Танковски, Мишевски, Димитриоски, Цветан Кузманоски...“, вели Брестовац.
 
„Победата над Чиле може да биде добар знак, да го симне притисокот и во наредните три меча да влеземе порастеретено и да покажеме добри партии бидејќи главната цел ја остваривме. Да покажеме борбеност, дисциплина, нешто што ни фалеше во првите два меча“.
 

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе