Македонскиот голман влезе во политика

Борко Ристовски: Чест ми е што ќе бидам дел од стратешкиот тим на ВМРО ДПМНЕ

Голманот на македонската ракометна репрезентација, Борко Ристовски стана дел од стратешкиот тим на претседателот на ВМРО ДПМНЕ, Христијан Мицкоски.

Борко Ристовски влезе во политиката, тој денеска од Христијан Мицковски беше именуван за стратешки соработник за прашањата од областа на спортот.
 
„Чест, задоволство но и огромна обврска е да се биде дел од стратешкиот тим на Претседателот Христијан Мицкоски и ВМРО ДПМНЕ. Од моја страна, можам единствено да ветам максимална ангажираност и посветеност во креирање на политики за афирмација на македонскиот спорт. Во периодот што следи ќе понудиме низа проекти и програми за подобрување на условите за работа на спортските федерации, клубовите, спортските работници и се разбира спортистите, пренесени од позитивните пракси од европските земји. Нека спортот биде еден од главните столбови на кој ќе го градиме нашето општество и да пробаме да ја направиме Македонија поубаво место за живеење. Да живее Република Македонија“, напиша Борко Ристовски на својот фејсбук профил.
 
Борко Ристовски во ноември ќе наполни 37 години, се ближи крајот на неговата кариера, па можеби ваквите вести се најава во кој правец ќе се движи голманот откако ќе прекине да биде меѓу стативите на ракометните терени.
 
Тој има богато интернационално искуство, а меѓу поважните клубови во странство играше за Рајн Некар и Барселона, сега го брани голот на Бенфика.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе