Лига на шампиони

Алушовски: Верувам дека ќе се радуваме на победа против Татран

Во недела со почеток од 17 часот, Еурофарм Работник во Битола го пречекува тимот на Татран Прешов. 

По трите порази, Еурофарм Работник во минатото коло ја оствари првата победа откако со еден гол разлика го совлада тимот на Кокс. Сега битолчани имаат реална шанса да врзат уште еден триумф, во Битола пристигнува тимот на Татран Прешов кој загуби на сите четири натпревари досега во Лигата на шампионите оваа сезона.
 
„Татран Прешов е искусна екипа, составена од репрезентативци на Словачка, интернационалци од Шпанија, Хрватска...Секоја година играат во Лигата на шампионите и СЕХА лигата и сигурно нивната вистинска сила не е местото на табелата во нашата група. Имаат искусна екипа, искусен тренер како Голужа, кој исклучително го ценам и нема да биде лесно. Сите шест екипи во оваа група се изедначени, секој секого може да победи и против ниту една екипа не можете да кажете дека сте фаворит. Екипата е освежена, малку се одморивме од напорните патувања, но имаме проблеми со повредените ракометари. Неизвесни се Јотиќ и Стјепановиќ за неделниот натпревар, но без секого се може и се мора и кој и да настапи ќе го дадеме максимумот. Го анализиравме Татран и верувам дека ќе се радуваме на победа“, вели тренерот Стевче Алушовски.
 
Еден од најдобрите играчи во составот на Еурофарм Работник, Владислав Остроушко исто така верува дека по мечот тие ќе се радуваат на триумф.
 
„Во Лигата на шампионите нема лесен натпревар и секој натпревар е важен. Овој е посебно важен дуел и верувам дека ќе се радуваме на победа. Напорно тренираме, спремни сме и со помош на гледачите верувам дека можеме да победиме против Татран Прешов“, вели Остроушко.

Силите на антиглобализацијата веќе стануваат доволно моќни да и зададат значаен удар на светската економија. 

повеќе

Не се соочуваме со вооружен конфликт, туку со војна на мисли. Чувството на страв, несигурност или територија по самоубиствен напад, никогаш повеќе не можеш да го вратиш.

повеќе