„Штрковите“ направија брејк и поведоа со 2-0

Заморот повторно го стигна Работнички, МЗТ на победа до титулата

МЗТ Скопје поведе со 2-0 во финалето против Работнички, вечерва „штрковите" победија како гостин во „Борис Трајковски" со 60-69.

Работнички го загуби натпреварот број 2 и покрај тоа што водеше три четвртини. Заморт ги стигна домашните кошаркари, па МЗТ Скопје во последните 10 минути го свртеа резултатот во своја корист и сега се на победа до титулата.

Иизбраниците на Докузовски одлично го започнаа мечот, на два пати имаа двоцифрена предност (19-9 и 21-11), но МЗТ Скопје успеа во финишот на првиот дел да намали на 21-15.

Гостите на средината од вториот период стигнаа до егал (27-27), но Работнички се врати во водство и на пауза се замина со резултат 38-32.

Во третиот период, МЗТ Скопје во неколку наврати се приближи, но „центарци“ не го испуштија водството и во последните 10 минути влегоа со три позитива (50-47).

Но слично како и на првиот натпревар, заморот го стигна Работнички во последната четвртина, тенката клупа си го направи своето, па МЗТ со серија од 0-12 го превзеде водството и на крајот славеше со 60-69.

Костов со 19 поени беше прв стрелец во редовите на Работнички, а по 10 поени постигнаа Ефремовски и Младеновиќ.

Дамјан Стојановски со 16 поени беше најдобар поединец кај МЗТ Скопје, Медфорд и Иванов имаа по 10 поени, а Самарџиски и Симоновски по 9 поени.

Зрелоста на еден народ е да препознае кога протестите за замена му ги продаваат како протести за промена. 

повеќе

Толку убава, чиста земја, богата со шуми, планини и природни ресурси ја претворивме во Мордор.

повеќе

Сè повеќе се зборува за диверзификација на приходите, наместо фаворизирање само еден извор на финансирање.

повеќе