Втора АБА лига

Уште еден висок пораз на МЗТ во Копер, Приморска поведе со 2-0

Приморска поведе со 2-0 во финалето на втората АБА лига, клубот од Словенија вечерва забележа нова висока победа и го совлада МЗТ Скопје со 95-72.

„Штрковите“ се пред невозможна мисија за пласман во првата АБА лига преку плеј-офот. МЗТ Скопје вечерва по втор пат загуби на гостувањето во Копер, Приморска стигна до нова висока победа, славеше со 95-72 и поведе со 2-0 во финалето.

Слично како и на првиот натпревар, домаќините по првото полувреме имаа двоцифрена предност и на пауза заминаа со 43-33.

МЗТ Скопје одигра катастрофално во третиот период, реализираше само 14 поени за десет минути па позитивата на Приморска се искачи на 21 поен (68-47).

Последната четвртина беше само рутина, двата тима одиграа опуштено со доста поени и конечниот резултат гласеше 95-72.

Медфорд со 22 поени беше прв играч на „штрковите“, а двоцифрен ефект со по десет поени имаа и Вудард и Самарџиски.

Следниот меч се игра во четврток во Скопје, и доколку МЗТ Скопје успее да стигне до триумф, во петок ќе има нов дуел во „Јане Сандански“. Евентуалната мајсторка треба да се игра следниот понеделник во Копер.

Кина му дава на регионот нова надеж додека сонот за ЕУ се распаѓа, вели Политико.

повеќе

Северна Македонија стана кандидат 9 години пред Албанија и нема ништо лошо побрзо и да оди напред.

повеќе

Сега, додека балканскиве политичари ќе шетаат низ духовноста како волови во свила - каде им се врвните интелектуалци што би внеле елеганција во совладување на споровите?

повеќе