Квалификации за СП 2023

Убедлив пораз во Тбилиси, Грузија е подобра од Македонија

Македонската кошаркарска репрезентација доживеа висок пораз на гостувањето кај Грузија со 91-70, меч одигран од квалификациите за Светското првенство 2023 година. 

Македонија го забележа третиот пораз во квалификациите во својот трет настап, овојпат загубивме од селекцијата на Грузија во Тбилиси со 21 поен разлика.
 
Грузија водеше во текот на целиот натпревар, уште во текот на првата четвртина создаде 9 поени позитива, беше 22-13, во вториот период веднаш дојдоа до двоцифрена предност, а пред крајот на полувремето имаа и највисоки дотогаш 19 поени разлика, 46-27. Македонија изгледаше немоќно. На одморот се отиде со предност за Грузија од 46-31.
 
Грузијците во второто полувреме ја одржуваа предноста, во поголемиот дел водеа со над 20 поени разлика, неколкупати стигнаа до +25. На крајот победија со 91-70.
 
Најефикасен во нашиот состав беше Војдан Стојановски со 15 поени, Робев постигна 13, по 11 запишаа Крстевски и Ефремовски. Во тимот на Грузија, Мекфеден постигна 26 поени, Шермадини 20.
 
Во недела на 27. февруари, Македонија ќе ја пречека Грузија во Спортскиот центар „Борис Трајковски“.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе