НБА

Трет пораз во низа на Лејкерси, неверојатниот Дончиќ во една вечер собори два рекорди на Џордан и Џонсон (ВИДЕО)

ЛА Лејкерс го забележа третиот пораз во низа откако утрово загуби од Индијана со 116-111, неверојатниот Лука Дончиќ со трипл-дабл учинок го предводеше Далас до триумф од 136-132 над Милвоки.

Лидерот на Западот, ЛА Лејкерс влезе во лоша серија, „езерџиите“ наредија три порази. Утрово, избраниците на Вогел загубија од Индијана со 116:111.

Леброн Џејмс се врати во тимот и имаше одлична партија со 31 поен, 8 скокови и 7 асистенции, но Ентони Дејвис потфрли во нападот и постигна скромни 8 поени.

Во редовите на Индијана, ТиЏеј Ворен беше прв играч со 39 поени. Тој реализираше дури 18 поени во првата четвртина, како и седум последователни поени во последните две минути од мечот, кого се кршеше резултатот.

Неверојатниот Лука Дончиќ одново имаше партија за паметење и го предводеше Далас до триумф од 136:132 над лидерот на Истокот, Милвоки.

Словенецот постигна 36 поени, 14 скокови и за себе рекордни 19 асистенции. За него ова беше 17-от трипл-дабл учинок оваа сезона, никој не може да го достигне, тој ќе остане на врвот во оваа статистика и ќе го собори рекордот на легендарниот Меџик Џонсон, како најмлад кошаркар кој ја предводел сезоната во НБА по број на трипл-дабл учиноци.

Лука Дончиќ исто така собори и постигнување на уште една легенда, Мајкл Џордан и стан најмладиот кошаркар кој постигнал барем 35 поени, 15 асистенции и 10 скокови во еден натпревар.

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да покаже демократски капацитети и зрелост очекувана од граѓаните

повеќе

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе