Поразот од Работнички може да донесе тренерска смена во МЗТ Скопје

Тодоров: Одговорноста за поразот е моја, утре ќе знаеме дали останувам тренер на МЗТ

Тренерот на МЗТ Скопје, Александар Тодоров ја превзема одговорноста за поразот во дербито против Работнички и најави можно заминување од клупата на шампионот. 

Работнички славеше во градското дерби против МЗТ Скопје кое вечерва се играше во „Јане Сандански“ и зададе нов удар на шампионот кој покрај лошите игри во АБА лигата, има проблеми и во домашното првенство каде веќе забележа три порази.
 
Тренерот Тодоров вели дека тој е виновникот за поразот и размислува за оставка.
 
„Загубивме меч кој речиси 35 минути го имавме под контрола. Во последната четвртина тотално запревме, ја загубивме и борбата под кошевите од тим кој не е ниту физички подобар од нас, ниту повисок. Дојдовме до точка кога веќе мора да се пресече. По поразите од Задар и Цибона се надевавме дека ќе го кренеме нивото на игра со новите засилувања, но веќе немаме оправдувања. Денеска бевме комплетни, но немавме напредок во играта, па одговорноста за поразот е моја. По утрешниот ден ќе знаеме дали ќе останам тренер на овој тим или не, не одлучувам јас самиот. Други тренери пред мене имале и помалку кредит, веќе го потрошив мојот“, изјави Тодоров.
 
Фото: МЗТ Скопје
 

Родовото прашање е клучен двигател за резултатите на здравството.

повеќе

Постојат повеќе административни и технички решенија против плагијаризам што се применуваат од издавачите и универзитетските менаџменти, а понекогаш и државните власти, како што е случајот во Македонија. 

повеќе

И не само тоа, туку квалитет на слободата. „Слободата нема никаква вредност ако во себе не ја вклучува слободата на грешките" - Махатма Ганди.

повеќе