НБА

Странците ги собраа наградите во НБА, Јанис е МВП а Дончиќ руки на сезоната

НБА утрово ги подели наградите за најдобрите во сезоната 2018/19, Јанис Адетокумбо е прогласен за МВП а Лука Дончиќ го доби признанието за руки на годината.

Во Лос Анџелес се собра елитата на НБА за да се прогласат најдобрите за изминатава сезона. Странците доминираа и ги добија главните награди.

Јанис Адетокумбо е МВП, Гркот го предводеше Милвоки до најдобар скор во лигата со просек од 27,7 поени, 12,9 скокови и 5,9 асистенции.

Лука Дончиќ пак беше избран за руки на сезоната, Словенецот имаше одлични настапи во дресот на Далас и собори неколку рекорди.

За најдобар тренер беше избран Мајк Буденхолцер откако стратегот го трансформираше Милвоки од тим од средината на табелата во претенден за највисок пласман.

По трет пат во својата кариера Лу Вилијамс е избран за најдобар шести играч, додека пак Руди Гобер втора сезона по ред е избран за најдобар дефанзивец.

Последното признание му припадна на Паскал Сиакам од Торонто, кој е прогласен за кошаркарот кој најмногу напредувал изминативе 12 месеци.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе