Мундобаскет 2019

Србија лесно се справи и со Италија за три од три во Групата Д

Србија го имаше првиот посериозен тест на Мундобаскетот, денеска ги одмери силите со Италија но на крајот без многу проблеми славеше со 92-77.

Три од три за Србија во Групата Д, избраниците на Ѓорѓевиќ попладнево ја совладаа и Италија. „Аѕурите“ беа првиот посериозен тест на Мундобаскетот, но нашиот северен сосед покажа дека има широк и квалитетен ростер па на крајот лесно славеше со 15 поени разлика.

Србија беше во водсво практично цел меч, Италија се закани во третиот период кога дојде само на минус два и имаше напад за егал или водство, но потоа „орлите“ го подигнаа темпото, за кратко се одлепија на двоцифрена предност а во еден период имаа и највиски +23 (67-90) за конечниот резултат на семафорот да гласи 77-92.

Богдан Богдановиќ беше прв играч во редовите на Србија со шест погодени тројки и 31 поен. Никола Јокиќ го заврши натпреварот со 15 поени, а двоцифрени уште беа и Радуљица со 12 поени и Јовиќ со 11 поени.

Во репрезентацијата на Италија, најдобар поединец беше Галинари со 26 поени.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе