Прогласени најдобрите во македонската кошарка за 2021 година

На свечена церемонија во хотелот „Лимак“ во Скопје, Македонската кошаркарска федерација ги прогласи најдобрите во овој спорт за 2021 година. 

Плејмејкерот на романскиот клуб Плоешти, односно претходно на МЗТ Скопје, Андреј Магдевски ја доби наградата за најдобар кошаркар, тој во трката за ова признание ги победи Бојан Крстевски и Бојан Трајковски кои освоија помалку гласови од него.
 
За најдобра кошаркарка е прогласена Анџелика Митрашиновиќ од Бадел 1862, наградата за најдобар клуб ја доби МЗТ Скопје, а тренер на годината е Горан Самарџиев од Еуро Никел.
 
За наградите гласаа клубовите, членовите на Здружението на кошаркарските тренери, претставниците на Судиската комисија, медиумите и на фановите преку интернет-страницата на КФМ.
 
Најдобрите во кошарката за 2021 година:
 
- Најдобар кошаркар: Андреј Магдевски (МЗТ Скопје / Плоешти - Романија)
 
- Најдобра кошаркарка: Анџелика Митрашиновиќ (Бадел 1862 / Тербес - Франција)
 
- Најдобар млад кошаркар: Теодор Симиќ (Барселона)
 
- Најдобра млада кошаркарка: Михаела Алексовска (ЖКК Крива Паланка)
 
- Најдобра машка екипа (сениори): МЗТ Скопје
 
- Најдобра женска екипа (сениорки): Баскет КАМ
 
- Најдобра машка екипа (младински лиги): Работнички
 
- Најдобра женска екипа (младински лиги): Бадел 1862
 
- Најдобар тренер на машка екипа (сениори): Горан Самарџиев (Еуро Никел 2005)
 
- Најдобар тренер на женска екипа (сениорки): Александар Ашданов (Баскет Кам 2011)
 
- Најдобар тренер на машка екипа (младински лиги): Андреј Апостолски-Лечиќ (Работнички)
 
- Најдобар тренер на женска екипа (младински лиги): Анета Глигорова
 
- Најдобар играч во 3 на 3: Ервин Цого (Кино Влае)
 
- Најдобра екипа во 3 на 3: Кино Влае
 
- Најдобар кошаркарски судија: Игор Митровски
 
- Најдобар македонски репрезент во странство: Емил Рајковиќ (Автодор - Русија / Астана - Казахстан)
 
- Најдобра младинска репрезентативна селекција: Женска репрезентација У-16
 
Македонската кошаркарска федерација додели и посебно признание за промоција на инклузивно спортување на лицата со попреченост на Специјална Олимпијада на Македонија предводена од Дарко Крстиќ и Драган Караџовски, заедно со петте атлети: Мирослав Георгиевски, Виктор Бошковски, Јане Никодиновски, Адо Дупљак и Горјан Стојковски.
 
Постхумно, федерацијата им додели плакети на членовите на семејствата на кошаркарските работници за исклучителни постигнувања во кошаркарскиот спорт: Благоја Георгиевски – Буштур, Марјан Лазовски, Драган Василов – Цевка, Војислав Зивчевиќ и Анте Дуковски.
 
Посебни благодарници добија и соработниците на федерацијата во изминатиот временски период: Македонски Олимписки Комитет, Агенција за Млади и Спорт, Кодинг Горска, Триглав Осигурување АД, ОКТА, ПЗУ Жан Митрев, „Кигили“, Јавно Сообраќајно Претпријатие Скопје, Противпожарен сојуз на Македонија и МРТ.

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе