Аеродромци ја вратија круната

МЗТ Скопје по седми пат стана шампион на Македонија!

МЗТ Скопје со 85:78 го победи Работнички во третиот натпревар од финалната серија и по седми пат стана шампион на Македонија. 

МЗТ Скопје со убедливи 3-0 ја доби финалната серија против најголемиот ривал Работнички, овој пат славеше со 85:78 и ја освои шампионската круна.
 
Аеродромци му ја земаа круната на Работнички кој минатата сезона ја прекина доминацијата на МЗТ Скопје, но „штрковите“ брзо се вратија на тронот.
 
Работнички слично како и минатите дуели, имаше пад во второто полувреме кое го чинеше победа. На полувремето центарци имаа предност од 54:46, но таа се стопи во третиот период во кој постигнаа само девет поени. МЗТ Скопје го презема водството. Работнички во последниот период се врати, дојде до негатива од еден поен, но тогаш Аеродромци се разбудија, повторно се одлепија и на крајот дојдоа до толку посакуваната победа.
 
Иванов со 23 поени беше најдобар во тимот на МЗТ Скопје, Медфорд постигна 16. Кај Работнички Чавдар Костов и Ѓорѓи Чековски реализираа по 17. За МВП беше прогласен Дамјан Стојановски.
 
Ова беше седмиот трофеј за МЗТ Скопје, Работнички со 15 се уште е далеку пред сите во македонската кошарка.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе