Прва лига

МЗТ Скопје го доби дербито со Работнички и ја осигура втората позиција

Шампионот на Македонија, МЗТ Скопје славеше во пресметката со градскиот ривал Работнички, „Штрковите" го добија вечното дерби со 80-76

Во интересен и возбудлив натпревар, МЗТ Скопје не дозволи Работнички трет пат во серија да триумфира во меѓусебните пресметки оваа сезона. Со одличен финиш, „Штрковите“ забележаа победа од 80-76 и ја осигураа втората позиција на табелата.

Гостите добро го започнаа натпреварот, и поведоа со 4-10, но МЗТ брзо се врати во игра и првата четвртина ја реши во своја корист со 24-22. Избраниците на Кочов ја одржува предноста во вторите 10 минути, за на пауза да се замине со +4 (47-43).

Слично беше и во третата четвртина, МЗТ го имаше водството но „Штрковите“ никако не успеваа да се одлепат и во завршните 10 минути влегоа со три поени позитива (60-57).

Работнички прв зададе удар и со серија од 2-8, „центарци“ поведоа со 65-68, но МЗТ Скопје не потклекна, врати со 9-0 и практично тука беше решен победникот. Конечниот резултат гласеше 80-76.

Крафорд со 16 поени и 10 асистенции беше прв играч на МЗТ Скопје, а двоцифрени уште беа и Трајковски со 12, Симоновски со 11 и Дамјан Стојановски со 10 поени.

Во редвоите на Работнички најдобар поединец беше Костов со 29 поени, Еванс постигна 12, а Робинсон 11 поени.

Едно современо демократско општество се разликува од тоталитарното токму по тоа што јавната критика е основно полемичко право и должност на медиумите.

повеќе

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе