Војната продолжува

МЗТ Скопје до КФСМ: Ако за три дена не ни вратите 17.000 евра, ќе поднесеме тужба против Перо Антиќ за измама

МЗТ Скопје ја продолжува војната со кошаркарската федерација на Македонија, тие сега си ги бараат уплатените пари за организација на сезоната.

Фото: МЗТ Скопје

МЗТ Скопје не може да се помири со одлуката на КФСМ за прекин на сезоната без да биде прогласен шампион. Тие сметаат дека треба да им бидат вратени парите кои ги уплатиле за организација на сезоната бидејќи таа е поништена.

Клубот се закани дека ако за три дена не им бидат уплатени парите, ќе поднесат кривична пријава против претседателот на федерацијата, Перо Антиќ за измама и за злоупотреба на службена должност.

Соопштението на МЗТ Скопје ви го пренесуваме во целост:

МЗТ Скопје Аеродром би сакал да ја извести јавноста дека останува доследен на своите заложби искажани во периодот во кој челниците на Кошаркарската федерација на Македонија (КФМ) правеа сѐ што можеа да ја поништат сезоната 2019/20 без да прогласат шампион, па денеска и официјално испрати допис до Куќата на кошарката во кој си ги бараме сите пари кои ги уплативме на нивната сметка од почетокот до прекинот на првенството.

Правните застапници на нашиот клуб сметаат дека со одлуката за поништување на сезоната се оштетени нашата, но и сите други прволигашки екипи, на кои им е нанесена голема метеријална штета. МЗТ Скопје Аеродром до средината на март на сметка на КФМ уплати 1,06 милиони денари (нешто повеќе од 17.000 евра), кои бараме да ни бидат вратени од страна на Перо Антиќ и од неговите соработници и тоа во рок од - три дена.

Ако челниците на македонската кошарка во овој рок не ги уплатат на сметката на клубот парите кои ние им ги дадовме за да ја организираат Првата лига, а потоа и да ја завршат според личниот и според интересот на нивните коалициски партнери, тогаш ќе бидеме принудени да изготвиме и да поднесеме пријава за сторени кривични дела. Од Основното Јавно обвинителство ќе побараме да поведе постапка за кривичен прогон против овластеното лице на КФМ, односно против претседателот Перо Антиќ и тоа за кривично дело „Измама“, како и за кривично дело „Злоупотреба на службена должност“.

Ова е само наш прв конкретен чекор во најавената борба против раководството на КФМ, поради нивната лоша работа, непотизам и ставање на личните интереси пред доброто на македонската кошарка, што јавноста можеше да го види од небулозниот начин на кој ги истуркаа одлуките за поништување на кои уште од самиот старт инсистираа, без разлика на актите, процедурите и на последиците. Сѐ останато што споменавме во изминатиот период, меѓу што е и размислувањето дали ќе играме во Првата лига следната сезона и понатаму стои како опција, која би можеле да биде официјализирана на некоја од седниците на нашиот Борд на директори во периодот кој следува.

Легенда под Главна слика

Фото: МЗТ Скопје

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе

За помалку од еден месец по олеснувањето на рестриктивните мерки, Косово се соочува со нагло зголемување на бројот на случаи со ковид-19, 

повеќе